影片
更多
2023-04-25
35 浏览
✦ 鯷魚醬伴蔬菜 $38喺等緊上菜嘅時間我地點嘅鯷魚醬伴蔬菜好快就上咗感覺好似滋味棒嘅日式料理版咸香鮮味作為前菜非常開胃✦ 火炙刺身沙律 $128係火炙三文魚 油甘魚 同左口魚呀!尤其左口魚 火炙完油份特別突出沙律都幾多蟹籽魚肉+沙律菜+蟹籽+調味口感同味道都好豐富✦ 原條池魚刺身 $498池魚嘅擺盤令人眼前一亮!細膩的魚肉質感搭配上甜甜地嘅柚子醬油散發清香我自己比較鍾意點普通醬油咸味更能帶出魚本身嘅甜味大家不妨試下✦ 半板海膽刺身(赤膽) $790呢道最出名都係海瞻果然聞名不如見面海膽用切得好精巧嘅青瓜墊底亦可以佐以紫菜有樣野我一直唔明青瓜成日俾人話會帶出食物嘅腥味但海膽就一直都普遍用青瓜襯不過無論如何呢碟海膽襯咩都新鮮到完全食唔出任何腥味而且仲有種好濃郁好稠密但係又實在嘅感覺果然赤膽就係赤膽✦ 燒日本活北寄貝 $228燒日本活北寄貝其實冇乜多餘調味北寄貝有咬口不在話下我覺得北寄貝殼淨返低嘅汁先係精華所在充滿海水嘅鮮甜味✦ 燒原隻赤蝦 x 2 $196赤蝦經火烘烤過未上枱已經聞到香味蝦肉燒完都仍然鮮嫩多汁蝦肉飽滿實在✦ 串燒鹽燒鴨舌 $48食完水入面嘅就要食水上面嘅✦ 串燒黑毛豬肩肉
✦ 鯷魚醬伴蔬菜 $38喺等緊上菜嘅時間我地點嘅鯷魚醬伴蔬菜好快就上咗
感覺好似滋味棒嘅日式料理版
咸香鮮味
作為前菜非常開胃
✦ 火炙刺身沙律 $128
係火炙三文魚 油甘魚 同左口魚呀!
尤其左口魚 火炙完油份特別突出
沙律都幾多蟹籽
魚肉+沙律菜+蟹籽+調味
口感同味道都好豐富
✦ 原條池魚刺身 $498
池魚嘅擺盤令人眼前一亮!
細膩的魚肉質感
搭配上甜甜地嘅柚子醬油
散發清香
我自己比較鍾意點普通醬油
咸味更能帶出魚本身嘅甜味
大家不妨試下
✦ 半板海膽刺身(赤膽) $790
呢道最出名都係海瞻
果然聞名不如見面
海膽用切得好精巧嘅青瓜墊底
亦可以佐以紫菜
有樣野我一直唔明
青瓜成日俾人話會帶出食物嘅腥味
但海膽就一直都普遍用青瓜襯
不過無論如何
呢碟海膽襯咩都新鮮到完全食唔出任何腥味
而且仲有種好濃郁好稠密但係又實在嘅感覺
果然赤膽就係赤膽
✦ 燒日本活北寄貝 $228
燒日本活北寄貝其實冇乜多餘調味
北寄貝有咬口不在話下
我覺得北寄貝殼淨返低嘅汁先係精華所在
充滿海水嘅鮮甜味
✦ 燒原隻赤蝦 x 2 $196
赤蝦經火烘烤過
未上枱已經聞到香味
蝦肉燒完都仍然鮮嫩多汁
蝦肉飽滿實在
✦ 串燒鹽燒鴨舌 $48
食完水入面嘅
就要食水上面嘅
✦ 串燒黑毛豬肩肉 $48
串燒點可以俾佢停
海鮮食咗咁多
係時候要大啖大啖食埋紅肉
✦ 串燒青椒仔 $28
就算係蔬菜類
火同時間控制得好
調味調得好
一樣惹味
食日本料理
尤其佐以串燒
最有居酒屋感覺
不時不食
飲亦同樣
可以揀幾款季節限定嘅酒
✦ 馬賽魚湯 x 2 $ 136
最驚喜係頭先池魚淨低嘅魚肉同魚骨整成嘅馬賽魚湯
意想唔到西湯都整得咁好
明明係同一條魚
但就有截然不同嘅另一種風味
可謂濃妝淡抹總相宜
✦ 烏魚籽墨汁魷魚意粉 $168
頭先已經見識過佢地嘅洋食都做得相當高明
意粉上唻嘅時候又係另一番嘅期待
意粉軟硬適中 掛到汁
墨汁香濃 收汁收得啱啱好
一浪接一浪
密鑼緊鼓嘅美食
去到呢度畫咗個完美句點!
张贴
