高麗軒韓國料理 (已結業)

約朋友食生日飯，大家都好耐冇韓燒搵個穩陣嘅地方🤔「高麗軒」就啱晒😎😎個人認為價錢經濟實惠早少少食嘅話，價錢仲平啲食物種類唔算非常多，亦都唔會非常花巧，所以選擇困難症應該唔會發作😂😂應該有嘅，佢哋都有，除咗肉類，海鮮之外，仲有一啲韓國小食同埋石頭鍋飯，仲可以自由選擇配料，幾flexible都幾鍾意佢哋嘅卡位，有私人空間，食得舒服。飲品就自己出去拎，除咗汽水之外，見佢哋仲有罐裝茶同埋果汁用QR code自助下單，第一嘢，梗係要嗌返啲泡菜啦😎😎仲有生菜，蒜頭等等，可以同牛肉一齊食👍🏼👍🏼羊架都有得食！非常厚身，好肥美！牛仔骨亦都非常出色，又係好厚身，唔會太韌，啖啖肉超正！其他牛肉，有啲係有醃製，有啲係原味，咁就可以好好運用枱面上面嘅味粉，自己調味，又係另一番滋味😊😊我幾鍾意黎依度韓燒，選擇食物，好多款式都可以揀半份，咁就可以咩都食啲，唔會太過飽，又唔會浪費啦👍🏼👍🏼依個半份嘅炒粉絲，對我嚟講啱啱好😎😎比想像中高質嘅海鮮！帶子好靚👍🏼👍🏼👍🏼👍🏼👍🏼仲有少少蒜蓉，惹味！整體嚟講，價錢唔貴，喺尖沙咀可以暢飲、食物簡單實際，夠滋味，推薦😊