北海道食堂 (已結業)

間唔時都會想食放題放縱下，今日就同老公返返入沙田拆餐勁嘅！之前行過一直都想試下嘅北海道食堂，平日相對少好多人！無提早訂位，所以想坐卡位都冇晒嚕～食物種類都有好多除咗壽司、卷物、刺身，仲有鐵板串燒、炸物等等。無論你嗰日想食熟食定係刺身都一樣有得揀！坐低冇耐就梗係拎咗嘢飲先啦！飲品區有室溫同埋雪咗嘅野飲，都好齊全㗎！唔趕時間嘅豬太郎，當然慢慢食，每次嗌少少，就無咁快一下就飽啦😗😗！開波啱啱好就送上枝豆，邊食前菜邊等食👍🏻。個人最鍾意燒牛舌、燒雞腎！好有口感！如果多啲汁畀我哋點就更加正！一邊食串燒一邊歎番杯汽水真係好爽！另外炸物嘅話我哋都好鍾意食雞軟骨粒、炸墨魚咀仲有多春魚天婦羅！鐵板料理來講就有少少油膩，我哋就嗌得唔算多，廣島蠔鯖魚同埋帶子都唔錯㗎！