影片
更多
2018-08-06
159 浏览
食過殿大喜屋食物質素之高試過返唔到轉頭，不過價錢偏高總唔可以經過光臨。今日就食中價既樂天大喜屋，同樣出自大喜屋集團。普通大喜屋價錢最相宜，然後係樂天大喜屋，繼而上等的極尚大喜屋，最後係頂級殿大喜屋。呢間放題長期滿座，兩星期前成功訂到8點半的場次。早15分鐘到場前面人龍已經有近一百人，職員極爽手登記訂座及即時分配枱號。準時30分開閘，有職員帶位所以秩序很好。樂天大喜屋以壽司卷物的多變吸引食客，同時亦有油揚.燒物.料理.甜品等等。點餐紙分為兩本簿，由於統一入座，起始的10分鐘有職員不時主動收走點菜紙。等食物送達之前可以先去自助區觀摩一下，沙律，凍海鮮，湯水，甜品，應有盡有。凍蝦有酒樓水準，蝦肉完整彈牙幾甜，青口肥美朋友都話唔錯。熟食以鹵水雞翼最值得攞，雞翼大隻肉厚仲醃料入味，卡邦尼雞肉呀魚雲呀下次再試。甜品控可以主力食雪糕，有雙味軟雪糕，各國雪條，乳酪豆腐花，同限量一人一杯的H or M牌雪糕。另外亦有約8款迷你小點置於甜品櫃，吃甜品都可以回本三分一的價錢了。壽司小巧的骰，但魚生的份量一樣比得足。每次黎都必食既火炙油甘魚同花之戀油脂豐盛，小嚐可以試多幾款壽司更滿足。刺身新鮮度一向有保證，長
呢間放題長期滿座，兩星期前成功訂到8點半的場次。早15分鐘到場前面人龍已經有近一百人，職員極爽手登記訂座及即時分配枱號。準時30分開閘，有職員帶位所以秩序很好。
樂天大喜屋以壽司卷物的多變吸引食客，同時亦有油揚.燒物.料理.甜品等等。點餐紙分為兩本簿，由於統一入座，起始的10分鐘有職員不時主動收走點菜紙。
等食物送達之前可以先去自助區觀摩一下，沙律，凍海鮮，湯水，甜品，應有盡有。
凍蝦有酒樓水準，蝦肉完整彈牙幾甜，青口肥美朋友都話唔錯。熟食以鹵水雞翼最值得攞，雞翼大隻肉厚仲醃料入味，卡邦尼雞肉呀魚雲呀下次再試。
甜品控可以主力食雪糕，有雙味軟雪糕，各國雪條，乳酪豆腐花，同限量一人一杯的H or M牌雪糕。另外亦有約8款迷你小點置於甜品櫃，吃甜品都可以回本三分一的價錢了。
壽司小巧的骰，但魚生的份量一樣比得足。每次黎都必食既火炙油甘魚同花之戀油脂豐盛，小嚐可以試多幾款壽司更滿足。
刺身新鮮度一向有保證，長腳蟹都可以自己點感覺較衛生。蟹殼偏軟要拆肉比較費時，幸好蟹肉爆棚而且唔痴殼。
黑糖牛仔肉比燒牛肉更勝一籌，牛肉軟嫩好重牛味，resting時間足自己無血水溢出。
炸物超快上枱，炸芝士如果再焦少少口感會更香口。芝麻雞翼百吃不厭，如果食榴槤可以試下榴槤炸彈，炸物之中既皇牌。
冬陰功湯太鹹了，但足料有青口，蜆，魷魚，大蝦，鮮蕃茄，都可以接受既。
今餐上菜至落單近乎無等侯時間，食唔停不消2個鐘都已經飽哂。一人$258加一，飲下清酒啤酒好易回本。
张贴
