龍津第一腸

营业中

休息中

經過大圍街市附近，見到長長一條人龍。 好奇心驅使下走上前睇，見到原來有一間叫做龍津第一腸，即叫即整嘅石磨家鄉腸粉外賣店開咗。 間鋪裝修好簡陋，但係門口有一座石磨機，用作自磨粉漿。 去排隊買時發覺等候時比預期耐，排到自己時才發現，原來店內幾位員工溝通上較為混亂，時有出錯。 買咗一盒蔥花腸粉丶豬潤腸粉及牛肉腸粉，每盒也跟咗豉油醬汁。 腸粉質感較粗及厚，不過真的帶有米香味。 豬潤煮得剛好，仍帶粉嫩滑。 牛肉份量比預期中少，肉味較淡，味道一般。