家賀屋刺身寿司專門店

今日約咗朋友喺灣仔食飯，上網見呢間日本嘢評價唔錯，就同朋友行去試一試。 入到去見到有啲人喺門口度等緊位，好彩我哋咁啱有位可以入去，張枱嘅設計幾靚，啲位都坐得幾舒服，同有玄米茶飲。 我哋叫咗兩個，姬路刺身定食餐，另外配湯烏冬，入邊有一碗湯，田園沙律，日式蒸蛋，同刺身7件。 過咗十分鐘左右，侍應將兩個餐到分別送上。我哋首先食個田園沙律，啲菜同蕃茄都幾新鮮。番茄亦都好多汁。個湯味道正常，沒有太大特別。 之後就試下嗰日式燉蛋，個日式燉蛋好滑，而且有海鮮味，唔會太熱食落口啱啱好。跟住再試下個烏冬，烏冬麵質爽口彈牙，個湯雖然唔係好濃味，但同個烏冬夾得啱啱好。 之後食佢個刺身，入邊有吞拿魚，三文，大甘蝦同油甘魚，個人覺得三文魚同吞拿魚最好食，厚切同埋好新鮮，而大甘蝦味道質一般，油金魚就不過不失。