本來以為要食燒鵝做早餐
因為以小妹嘅認知深井係一個要騎牛嘅地方
但行行吓竟然見到呢間舖頭
見到餐牌上面嘅黑松露炒蛋早餐已經好吸引到我
於是我就走咗入呢間食店
一入門口店員已經好有禮貌咁同我打招呼好有親切感
我好快咁就嗌咗呢個早餐
喺等嘢食嘅過程店員都會走過來同我傾偈
而且佢會同其他熟客傾偈
你係冇辦法相信嗰種感覺就好似返咗屋企咁
好親切好溫馨 可能呢種就係都市嘅快餐小店同呢度嘅分別
講翻啲野食先
由廚房出餐搬個碟出嚟嘅時候
已經好香好大陣黑松露味
小妹本身係一個對黑松露好有研究嘅人
而黑松露既品質就係取決於陣石油味
好明顯呢到既黑松露係esso 而唔係中國石化
蛋既蛋質都好滑好有味
廚師將蛋既生熟度控制得好好
我諗無論中意生蛋同熟蛋既客人都會好enjoy呢份早餐
至於炒磨菇 我認為係一種易熟難精既料理
好難難食亦都好難好好食
但呢到既炒磨菇做得好出色
油既比例落得啱啱好
令菇唔會太乾唔會太濕
調味亦都好好咁鎖咗喺菇既入面
每一塊菇都有好好既磨菇汁 好香好fresh
呢期小妹都要入深井做野
我諗都會長駐呢個隱世小店了
