蘭陽食堂 (已結業)

同事介紹荔枝角一間素食嘅外賣店，話老闆娘主打台灣古早味滷肉飯同埋素餃拌面，附近嘅茶記都食到悶悶地，一於決定試新野。古早味滷肉飯套餐——套餐講到明係用Omnipork 新豬肉，新豬肉聽就聽過，但係試真係第一次。又OK喎，感覺健康，其實味道同真嘅豬肉都差不多，配菜同埋豆腐都係健康嘅配料，調味適中唔太鹹。韭菜餃拌麵套餐——拌麵嘅份量適中，撈左都幾辣嘅醬，同事話果醬好開胃，同韭菜餃十分配合。如果唔食得辣嘅，建議要將醬分開。跟餐包左甜品一份，老闆娘話每日甜品都唔同，今日食嗰個大概係好似米飯般，但係好好味，又唔太甜。我自己點左佢哋推介嘅凍奶茶——自家製馬沙拉香料奶茶。上網查馬沙拉原來係印度嘅奶茶，確實用豆奶整出嚟嘅奶茶特別香。朋友就飲咗樽裝嘅冷泡茶，佢話呢度嘅冷泡茶可以再返沖多兩三次。台灣嘅拌麵真係好少機會有得食，得閒一定要支持下。