慶吉家 (已結業)

今日考完試就同朋友一齊去咗揾一間比較平民嘅日本餐廳慶祝一下🥳朋友係住港島區嘅，所以我哋就book咗係灣仔食飯🍽本身見到係樓上鋪驚好難搵，但原來棟大廈都係一個好顯眼嘅位置，所以一到咗嗰條街就已經揾到👍🏻而上到去一出門口已經係間餐廳🍴所以大家有興趣都不妨嚟try try佢🤗入到去坐低個環境都幾闊落，佢哋安排咗近窗口嘅位，整體而言都唔錯😯坐低之後叫咗個日式蒲燒鰻魚便當($108)🍱同豬軟骨拉麵($51)🍜，諗住試吓佢哋嘅飯同麵好唔好食🧐 最後再叫咗個小食炸蠔($38/3 pcs)同朋友share🦪整體而言個便當同個拉麵都唔錯👌🏻全部份量都好足，我哋兩個女仔係食到超飽🤰🏻而個炸蠔都食得出係即刻炸嘅，外面好脆但係入面都係好新鮮，唔會炸完入面就淋晒😋下次有機會一定會再嚟，話晒個老闆都同我哋講佢哋係地鋪做咗十幾年，支持吓💪🏻💪🏻