大快活 (良景廣場)

营业中

休息中

呢間大快活係個屋村入面，有時貪方便，我就會去食個快飯。今日做完嘢，想自己一個靜靜地食個飯聽下歌，所以就自己一個人嚟咗呢間大快活度食飯啦。我諗由於香港人真係想食得健康啲，佢哋嘅餐牌，好多都強調冇味精，清淡啲健康啲。今日我揀咗咕嚕肉另外加個湯。個湯都幾好味唔會太鹹。而咕嚕肉都不過不失，唔會話啲炸粉好厚，或者有好多骨。總之以快餐來講，佢嘅食物質素令我有驚喜。佢啲員工亦同啲食客有講有笑，氣氛非常之好。記得有一次我叫外賣，個姐姐叫我坐低慢慢等，佢會幫我拎過嚟。其實佢可以唔使幫我，但係佢哋真係好熱心、好熱愛自己嘅工作感覺嘅嘢呃唔到人架。