倫哥尚品火鍋私房菜 (已結業)

之前已經食過，貪佢有兩味食，上次一大班人，梗係食曬兩樣，今次得兩個人。 邊食到咁多， 一坐低就果斷叫佢， 唔好上雞煲，雞煲好大個，食完已經好飽， 費事浪費食物。其實私房菜先係重點 ，竹絲雞猴頭菇杞子瘦肉燉湯， 用料十足， 冇味精， 健康之選。原隻蠔皇扣鮑魚， 看似好豪華， 其實同去 飲宴嘅味道冇分別， 但係就唔明點解冇味精都可以做到。刺身拼盤， 三文魚刺身， 帆立貝刺身， 特大蝦刺身， 帶子刺身 ，紅魚刺身。 勝在用料新鮮， 可惜唔係任食， 如果唔係真係怕食窮佢。打邊爐方面， 我就選擇咗番茄薯仔湯底，出名食海鮮我當然有試，都係新鮮出品。雲吞，水餃，韭菜餃，潮州魚蛋， 貢丸， 年糕魚蛋， 流心蟹子丸， 流心蟹子丸內含 千島wasabi醬，超級惹味。炸魚皮，炸響鈴， 新鮮，夠曬脆。安格斯牛肩肉， 超級好味，手切，肥瘦均稱。任飲任食套餐， 送人頭大閘蟹。 估唔到咁驚喜， 訂位都唔知有， 真係食到夠曬飽。飲品方面 我就叫咗涼茶，今日係五花茶， 鋪頭自己煲。價錢318 加1服務費， 唔算平， 但係私房菜真係唔貴。