上海弄堂菜肉餛飩 (電氣道)

营业中

休息中

係門口決定食唔食o既時候, 有個肥姨姨出黎主動招呼我地, 由我地係門口到坐低點菜, 佢全程都好殷勤咁招待我地。我平時好怕d sales/waiters咁樣跟到實, 但係我對呢個姨姨冇反感, 反而有點兒親切感。=]不停問三問四, 又拿不定主意, 但係姨姨都冇半點兒不耐煩, 而且仲好有耐性咁同我講每樣食物o既特性, 等我慢慢揀。sale豆漿果時好落力, 最後都要左杯(呢個有少少係基於壓力)。最後同朋友各點左一個酸辣菜肉餃麵, 一籠小籠包, 豆漿一杯同朋友o既一杯酸梅湯酸辣菜肉餃麵($36)--好大碗, 係用白色o既幼麵條, 麵條好滑, 不過腍身唔係彈牙果隻, 我諗上海麵係咁...菜肉餃有4-5隻, 係菜多肉少, 不過又幾好食喎, d菜都幾新鮮幾青綠, 湯底好多料, 有豆腐, 冬菇, 雲耳等等, 夠酸, 略嫌唔夠辣, 但係幾香, 不過湯底好杰...好似碗仔翅咁, 如果可以稀返少少會易食d。但係朋友話酸辣底係咁架喎...小籠包($20)--4隻, 皮唔太厚, 但唔算薄。肉汁都算夠, 豬肉ok鮮味。朋友話南翔果d鮮肉小籠更勝一籌, 餡肉更鮮甜, 但係都算唔錯。豆漿($8)--姨姨話係自家制o既。