影片
更多
2018-08-09
127 浏览
去咗兩個星期旅行，十幾日冇見男朋友，一返嚟當然要帶佢食餐好！我就話去旅行食西餐食得多，佢返工辛苦，真係日日清茶淡飯，所以一早問定朋友，訂定位帶佢黎中環食西餐。唔係朋友介紹真係唔會搵到，佢隱藏喺皇后大道中側面嘅小巷大廈入口，毫不起眼。電梯按3字，一出電梯其實已經望到餐廳嘅面積，感覺似係一個樓上私房菜，舒適安靜嘅。餐牌裏面嘅食物選擇唔算好多，但係有四款套餐介乎$288-$588可以挑選，當然仲有單點項目同紅酒menu。Prawn & Avocado Salad $78二人份量嘅沙律除咗有新鮮嘅沙律菜，仲有切咗粒嘅牛油果同埋三隻好彈牙嘅蝦；牛油果從來都係一個技巧，太熟嘅佢會爛，太生嘅佢會硬，但係佢呢度就啱啱好！配上左日式芝麻醬，濃郁香口。Japanese Dumplings $68將最平民化嘅食物包裝到高級上菜，味道正常；外皮煎得香脆，內餡比例適中，最緊要係上檯時超級熱辣香口！Baked Escargot $78男朋友鍾意食田螺，呢碟一客6隻少少地岩晒佢，味道聽佢描述都好香牛油味，仲清洗乾淨；我食下面嘅薯蓉，不過不失，無乜薯仔粒口感，似乎係用薯粉開成，但香濃奶香牛油味。Pan Seared
唔係朋友介紹真係唔會搵到，佢隱藏喺皇后大道中側面嘅小巷大廈入口，毫不起眼。
電梯按3字，一出電梯其實已經望到餐廳嘅面積，感覺似係一個樓上私房菜，舒適安靜嘅。
餐牌裏面嘅食物選擇唔算好多，但係有四款套餐介乎$288-$588可以挑選，當然仲有單點項目同紅酒menu。
Prawn & Avocado Salad $78
二人份量嘅沙律除咗有新鮮嘅沙律菜，仲有切咗粒嘅牛油果同埋三隻好彈牙嘅蝦；牛油果從來都係一個技巧，太熟嘅佢會爛，太生嘅佢會硬，但係佢呢度就啱啱好！配上左日式芝麻醬，濃郁香口。Japanese Dumplings $68
將最平民化嘅食物包裝到高級上菜，味道正常；外皮煎得香脆，內餡比例適中，最緊要係上檯時超級熱辣香口！Baked Escargot $78
男朋友鍾意食田螺，呢碟一客6隻少少地岩晒佢，味道聽佢描述都好香牛油味，仲清洗乾淨；我食下面嘅薯蓉，不過不失，無乜薯仔粒口感，似乎係用薯粉開成，但香濃奶香牛油味。Pan Seared Salmon Fillet w/Truffle Spaghetti $168
三文魚好滑，外皮煎得香脆；意粉嘅份量睇落雖然好少，不過因為有食到其他嘢所以都夠飽。黑松露味超級濃郁，香濃嘅黑松露汁包裹着每一條意粉；鍾意意粉，因為呢隻意粉嘅質感係比較硬身唔腍。Japanese Rib Eye Cutlet w/ Curried Juiced Risotto $198
落單時店員告知炸爐壞左，所以炸物都供應唔到，而原來嘅吉列牛都只可能變成香煎。接近8成熟嘅牛扒比較薄身，幸好肉味調配不俗；好特別配咖哩意大利飯，個飯似印度咖哩style，個咖哩汁就係日本style，好特別。意大利米煮得幾正宗，米粒比較硬，鍾意腍d朋友落單可能要提一下。舒服慢活，快樂不必太花悄，同重要嘅人食餐飯都好滿足
张贴
