湯品小棧 (已結業)

平時都好小嚟大角咀，總覺得好遠咁。今次揀左一間唔起眼嘅小店，但內涵卻很豐富的餐廳是開放式的，可以見到店員在住麵。而剛巧在裡面的是一位伯伯，望住佢好用心將炖湯慢慢拎上嚟時，真係好感動，好期待。店內有好多關於每樣食材對身體嘅好處簡介，而每款都會介紹係適合邊類人食用為最佳，感覺店是非常注重健康的。先點了一個素食嘅炖湯。非常有特色，用一隻好似咖啡杯來做湯碗，既可以耐熱，亦不會太傳統。裡面真係數唔到有幾多種嘅材料，只知道有菇、有冬蟲草等。味道一定係無味精的，而且非常淡味，但飲得出係經過時間慢慢煲成的。點了兩款配菜，一是溏心鹵蛋。鹵蛋是需要時間才會入味的，而溏心蛋亦需要技巧，雖然不是流心類，但卻未至於是熟透了，撈麵一流！還有另一款小菜是蕃茄湯豬軟骨。想像以為是有蕃茄醬，紅色的。原來是有少少蕃茄味道但不重的豬軟骨。豬軟骨非常入味，有口感，撈麵也是一流的。