丁爸食府

营业中

休息中

炸排骨便當（$60）便當包四款配菜，滷蛋、豆乾（一磚硬豆腐）、咸旺菜（有蝦乾仔，咸香味，有誠意）、炒粉絲（辣辣哋），白飯有試少滷肉同菜甫，炸豬扒表層少少鬆脆，肉質軟，咸香味足。鹹酥雞便當（$60）同樣有四款配菜，滷蛋、油豆腐（軟身啲）、咸旺菜、炒什絲（蘿蔔、芽菜、豆乾，辣辣哋），炸雞粒有六粒，配以蒜蓉及九層塔，味道同豬扒近似。米漿（$15）味道似火麻仁+杏仁+米，極濃身，好飽肚。檸檬愛玉（$25）唔係坊間啲台式飲品，檸檬底唔似開粉/汁，感覺似港式檸茶底，愛玉份量唔算好多。餐廳食物、飲品嘅味道，好有家庭feel，唔似一般台式餐廳或連鎖店，幾特別。但價錢就略嫌進取咗少少。