遊園

营业中

休息中

第二次去戲曲中心，上次睇話劇匆匆走過，今次才細覧一下。週邊環境不錯，遠眺維港景色，欣賞晚霞，來港親友正好可以拍照留念。中心內部設計特別，具寬敞休憩空間，我地帶埋小朋友去，佢地週圍行得好開心。餐廳環境都唔錯，有幾張加高用嘅BB櫈，不過唔係最穩陣估啲款，要自己睇實小朋友。圓枱夠大，一行11大人2BB都夠坐。我地叫十人套餐另加燒鵝，份量非常足夠，每樣味道都幾好，其中我最推介話梅溫室蕃茄，燒鵝，沙巴龍躉，鹽焗雞。見其他枱有家庭聚餐，公司同事聚餐等。呢個地方都適合家庭聚餐嘅。不過下次結賬時應該小心check清楚，我地睇漏眼，佢寫錯左幾個飲品入我地數，查實我地冇叫過飲品。