影片
更多
2012-07-12
2836 浏览
其實一年都黎幾次竹園食晚飯，今次間左間大房，多左空間放下bb車咁，不過間房有啲熱。餐前小食有魚幹同花生，送上橙汁，鹹柑桔，庶汁等。先黎個杏汁豬肺湯，豬肺難洗，所以通常都出街飲。杏汁相當夠味，除左豬肺外仲有鷄腳，瘦肉等，好好飲。再黎炒帶子，賣相好得，味道都好得，有鑊氣，帶出帶子同蚌片嘅鮮味，西蘭花爽口。呢個芝士龍蝦個汁特濃，勁好味，無麵底，配左法包，點汁食一流！聽侍應講話正常無咁濃架，係特別order喎。姜蔥炒蟹，對蟹敏感無食，不過啲蔥好入味，淨係食蔥都夠正。啫啫鮑魚煲，有鴨掌五花腩等，鮑魚好鮮咩，勁爽口，雖然咁高溫咁啫法，但一啲都唔老，好味。蒸班，敗筆之作……條魚好新鮮，可惜蒸唔夠時間，骨肉唔分離，食左啲之後反蒸，蒜子肉本來一流。雪裏紅肉絲趴莧菜，好有雪菜肉絲炆米feel，我唔like，味道ok嘅。玫瑰露鷄，勁香，鷄嫩滑，啲汁攞黎撈飯一流。最後排骨煲仔飯，無驚喜，又話係招牌菜，好大煲同好多排骨，不過同一般盅頭飯無乜分別囉，呢個無下次。食完主菜梗係要食下果盤同糖水啦。個果盤砌得好靚，新鮮生果唔係浸糖水，仲額外送多幾粒荔枝，哈哈，一人一粒。糖水揀左芒果布丁，楊枝金露，同姜汁湯丸。三樣都好正
餐前小食有魚幹同花生，送上橙汁，鹹柑桔，庶汁等。
先黎個杏汁豬肺湯，豬肺難洗，所以通常都出街飲。杏汁相當夠味，除左豬肺外仲有鷄腳，瘦肉等，好好飲。再黎炒帶子，賣相好得，味道都好得，有鑊氣，帶出帶子同蚌片嘅鮮味，西蘭花爽口。
呢個芝士龍蝦個汁特濃，勁好味，無麵底，配左法包，點汁食一流！聽侍應講話正常無咁濃架，係特別order喎。
姜蔥炒蟹，對蟹敏感無食，不過啲蔥好入味，淨係食蔥都夠正。啫啫鮑魚煲，有鴨掌五花腩等，鮑魚好鮮咩，勁爽口，雖然咁高溫咁啫法，但一啲都唔老，好味。
蒸班，敗筆之作……條魚好新鮮，可惜蒸唔夠時間，骨肉唔分離，食左啲之後反蒸，蒜子肉本來一流。
雪裏紅肉絲趴莧菜，好有雪菜肉絲炆米feel，我唔like，味道ok嘅。玫瑰露鷄，勁香，鷄嫩滑，啲汁攞黎撈飯一流。
最後排骨煲仔飯，無驚喜，又話係招牌菜，好大煲同好多排骨，不過同一般盅頭飯無乜分別囉，呢個無下次。
食完主菜梗係要食下果盤同糖水啦。個果盤砌得好靚，新鮮生果唔係浸糖水，仲額外送多幾粒荔枝，哈哈，一人一粒。
糖水揀左芒果布丁，楊枝金露，同姜汁湯丸。三樣都好正！！芒果布丁真係用芒果打成，唔係芒果精，軟硬適中，落勁多花奶食。楊枝金露略苦，個柚子可能唔係時候，但係都好味。湯丸無食，試左啲姜汁，勁姜，姜辣，正呀，親戚話啲湯丸夠甜又多餡，下次試下先。今餐食左六千幾，十幾人食，ok啦，侍應相當勤快，斟完飲品又換碟，又自動波送上牙籤紙巾，幾有服務，仲有其他酒樓難得一見嘅笑容呀！
张贴
