滿屋日本料理 (已結業)

今日同埋成家屋企人去咗銅鑼灣嘅滿屋， 貪佢裏面夠多大枱。入到餐廳 啲小朋友見到 有好多甜品同埋爆谷已經開心不已。 係咁叫住要食爆谷。坐低咗之後我哋就開始出去攞嘢飲佢個飲品櫃種類都有好多 有啲比較特別嘅韓國茶類，下次我哋都想試下。第一輪當然係先叫壽司刺身啦，碟碟都好好鮮味，件件都食得出係好新鮮。至於熟食， 有羊架，海鮮類，樣樣都好味。 佢既炸物都唔錯， 試咗一個南瓜芝士薯餅好香好好味推介!!值得一讚嘅係佢哋店員嘅服務態度。我哋一家大細 9個人5个小朋友，食到亂七八糟又有倒瀉嘢，侍應哥哥不厭其煩幫我哋善後之餘，仲要笑笑口完全冇黑面，真係值得一讚。