名館 (希慎廣場) (已結業)

🎈名館🔍銅鑼灣軒尼詩道500號希慎廣場12樓1201號舖-----有鑊氣無環境嘅大排檔我中意食，環境靚食物精緻得黎亦有水準嘅餐廳，我亦絕對喜歡。今日去嘅新派Fusion中菜館環境寬敞，裝潢華麗中帶點摩登，係家庭聚會嘅用餐地點好選擇。🥢鑊仔生煎蓮藕餅（$48）材料以芫荽、馬蹄、蓮藕及豬肉為主，口感爽脆濕潤，夾起唔容易鬆散，而且藕香濃濃，惹味！🥢糖心黑蒜海底椰豬展湯（$68）🥢四季椰子肉雞湯（$68）以茶壺盛載嘅足料湯品，望落精緻貴氣，一杯一啖湯的食法亦非常有意思，早上以茶會友，晚上怕茶有咖啡因會失眠，以湯會友亦是個不錯的選擇。兩款湯品湯頭都非常清澈，前者黑蒜香氣濃郁，後者則清甜舒神，各有千秋。🥢沸騰水煮滑魚片（$298）非常iGable嘅水煮魚，貌相睇得，味道也是令人一試難忘。該配備嘅材料，例如青瓜、白菜、大豆芽、豬紅、雲耳同薯粉等等，全部都應有盡有，辣味溫和順喉，魚肉嫩滑之餘，鮮香味道亦出眾，聚會時候叫上一個，氣氛一流。唯一要挑剔嘅就係，盛載器皿雖然靚，不過唔太好夾。🥢蜜汁欖角骨（$98）廚師👨🏻‍🍳老練嘅烹調功架將欖角鹹味同蜜汁嘅香甜，平衡得恰到好處，加上外酥脆，內鬆化嘅質感，係餐桌