去咗荔枝角工廈搵食，試咗間家庭式西餐廳《林氏廚房》，餐廳環境好大，坐得舒適！
佢哋有一個二人套餐只係$488，真係好抵食😉套餐包括餐湯、蟹肉煙三文魚沙律🥗配油醋汁、炸物拼盤同自選主菜兩款。最後仲有甜品同埋咖啡或茶可以揀。
1
我開始先飲餐湯，好香濃，暖到心頭。
接住嚟係蟹肉煙三文魚沙律，配上油醋汁，味道好平衡，沙律菜新鮮。
再嚟炸物拼盤，有炸雞翼、炸餃子🥟、炸菇，炸得香脆，好開胃！
然後就到主菜環節啦！我揀咗鵝肝拼紐西蘭牛柳同帶子黑松露意大利飯。鵝肝有油香，牛柳好嫩，兩者結合成一道豪華嘅組合。
帶子黑松露意大利飯，帶子大隻，黑松露嘅香氣令整道菜更香！
最後，甜品係奶凍，輕甜可口。
最後可以揀咖啡或茶，揀咗熱檸茶。令整個餐飲體驗更加完滿。
