影片
更多
2021-09-04
22 浏览
話說今日出咁深水埗工作。收工嘅時候差唔四點。加上無食lunch嘅關係決定買個晚餐返屋企食。行去坐小巴嘅途中比呢間小店吸引住。入到去一位女士笑容滿面咁行咗出嚟。向我介紹有咩食。原來佢係呢間小店嘅老闆娘。最後我點咗蕃茄大蝦海鮮意粉。單點$68。另外有set可以加杯飲品$88。咁就叫咗杯Flat white。係等待老闆娘製作食物嘅途中。有幾個小店嘅熟客走咗入嚟點咖啡。從佢地嘅對話得知老闆娘同客人嘅關係非常好。再等多一陣。有兩個男士又入咗嚟。原來一個係老闆。一個係熟客。男熟客更加買咗炸雞比老闆食。老闆娘亦都好熱情地叫我試下好耐好耐都無去過一間餐廳係咁樣充滿人情味係一眾人一路吹水嘅途中。食物同咖啡已經準備好。買相十分之吸引。忍唔住叫老闆娘比我打咗卡先😂返到屋企。即刻打開嚟食。意粉份量十足，除咗相中眼見嘅大蝦之外。亦都有大量八爪魚腳係意粉入面。而且佢係用蕃茄而唔係用茄膏。呢點值得一讚。Flat white咖啡味道香濃。即使我返到屋企已經攤凍咗亦都無減我對佢嘅分數。整體嚟講，小店食物高質。老闆老闆娘熱情好客，用心製作食物同對待客人。香港絕對需要多啲呢啲小店。下次有機會我一定會再幫襯。加油💪🏻
入到去一位女士笑容滿面咁行咗出嚟。向我介紹有咩食。原來佢係呢間小店嘅老闆娘。
最後我點咗蕃茄大蝦海鮮意粉。單點$68。另外有set可以加杯飲品$88。咁就叫咗杯Flat white。
係等待老闆娘製作食物嘅途中。有幾個小店嘅熟客走咗入嚟點咖啡。從佢地嘅對話得知老闆娘同客人嘅關係非常好。
再等多一陣。有兩個男士又入咗嚟。原來一個係老闆。一個係熟客。男熟客更加買咗炸雞比老闆食。老闆娘亦都好熱情地叫我試下好耐好耐都無去過一間餐廳係咁樣充滿人情味
係一眾人一路吹水嘅途中。食物同咖啡已經準備好。買相十分之吸引。忍唔住叫老闆娘比我打咗卡先😂
返到屋企。即刻打開嚟食。意粉份量十足，除咗相中眼見嘅大蝦之外。亦都有大量八爪魚腳係意粉入面。而且佢係用蕃茄而唔係用茄膏。呢點值得一讚。
Flat white咖啡味道香濃。即使我返到屋企已經攤凍咗亦都無減我對佢嘅分數。
整體嚟講，小店食物高質。老闆老闆娘熱情好客，用心製作食物同對待客人。香港絕對需要多啲呢啲小店。下次有機會我一定會再幫襯。加油💪🏻
张贴
