野川拉麵 (已結業)

難得的長週末，親戚門都入哂長洲，怕熱又怕曬的我都係留返係屋企。午餐無着落，唯有落街食，約左人下午食b仔，一於行下附近有咩揀先。無黎呢邊一排，開多左好多新食店，見野川幾多人食緊，都無死啦，一於食呢間。午餐四十幾起，包一罐日本果汁汽水同一個沙律，價錢又幾合理喎。唔想飲果汁汽水，轉左蜂蜜綠茶，要加五蚊，ok拉，大熱天時飲一啖真係透心涼。麻醬野菜沙律，其實係西生菜加左一粒車厘茄，誠意一般，勝在多麻醬夠香，而且菜新鮮，合格吧。主角~叉燒拉麵豬骨湯底麵條用了黃色嘅拉麵，ok彈牙，亦很掛湯，唔錯。叉燒有三片，圓圓的半肥瘦叉，個人幾鐘意呢種食完滿口油脂嘅叉燒，脂肪質感爆開。另外十蚊加了一隻黃金燒蠔過過口引，蠔肉幾肥美，燒溶嘅芝士再加少少酸嘅蛋黃醬又真係好好味，唔係怕膽固醇超標，真係要食多幾隻。埋單六十七蚊唔使加一，抵食。