桻之燒 (已結業)

筲箕灣東大街不嬲都出名係一條食街，好多好食嘅餐廳，今次嚟到其中一間串燒居酒屋，主打日本特色菜式同串燒，餐廳牆上面仲貼滿咗各款清酒貼紙，充滿着日本地道風味今次過嚟試咗佢唔同嘅串燒，小食同埋燒飯團⭐️漬物兩點盛係鮟鯕魚肝同醃生腸，鮟鯕魚肝味道濃郁軟腍，配上酸酸甜甜嘅汁，中和返個膩感，至於生腸醃製得超好食，咬落好彈牙爽脆之餘又入味，認真講呢間係我食咁多間生腸係其中一間最好味嘅！⭐️蒜蓉牛油燒蠔好大隻，肉質鮮甜肥美，配埋少少牛油同蒜蓉一齊食好惹味⭐️串燒拼盤好抵食，$148已經有齊雞中翼，雞心，雞軟骨，黑毛豚肉包生菜卷同明太子飯團，雞翼燒得外脆內軟，而且保留咗雞嘅精華，食落又滑又juicy，雞心燒得幾香而且冇腥味，雞軟骨脆卜卜有咬口，而明太子飯團好足料，飯團入邊包咗好多明太子，燒到微微焦香，包埋紫菜，鹹鹹哋咁一齊食又飽肚又香口⭐️花雕最香燒雞翼都燒得外脆內軟，而且食得出陣陣酒香味，又滑溜又香口⭐️燒墨魚咀好厚肉，爽彈且幾有咬口⭐️松葉蟹多士上面好多蟹膏，仲有少少蟹籽增加口感，蟹膏好鮮味，配上剛烘到熱辣辣嘅多士一齊食，鮮甜又惹味⭐️招牌汁燒鮮蠔飯團外型好吸睛，飯團上面放上一串鮮蠔，打卡一流，蠔肉鮮甜肥美，連埋