影片
更多
2017-02-19
1243 浏览
公司的同事是寧波人，自小吃慣濃油赤醬、厚湯濃汁的本幫菜，所以每次一提起吃滬菜，就會口若懸河，滔滔不絕地推介她的家鄉地道美食。說起上來，其實筆者亦已很久沒吃過上海菜，趁這天假期，就一於找間經濟抵食的上海菜館，吃頓午飯。記得以前住灣仔嘅時候，最常光顧的上海菜館就是《三六九》。最近從網評得知，天樂里開咗間《上海弄堂菜肉餛飩》，以上海家庭小菜為主打。翻查資料得悉，原來這已是餐廳嘅第四間分店，實力可見一斑。推門內進，地方雖然唔算好大，但勝在裝潢骨子企理，牆身掛著不少懷舊照，流露出點點舊上海風情。打開餐簿，散點的項目，選擇非常豐富，包括有阿娘餛飩、小食/點心類、阿啦菜(冷盤)、肉類/雞鴨、河鮮類、蔬菜/豆腐、湯羹、煨麵/湯麵、炒麵/拌麵、年糕類、飲料及甜品，茗茶方面就每位 $3。至於套餐，就分別有 1 人、2 人及 3-4 人各兩款可供選擇，而且定價亦算合理，可謂豐儉由人。由於只得兩口子，所以決定只點一個 1 人套餐 ($98) 再加幾款小食和點心。1 人套餐小食共有四款選擇，揀了菜肉餛飩。屈成元寶狀的餛飩，隻隻看起來都大小均等，而且蔬菜和豬肉的比例恰當，咬落既有鮮蔬的清甜，亦有肉碎的質感，配上簡
記得以前住灣仔嘅時候，最常光顧的上海菜館就是《三六九》。最近從網評得知，天樂里開咗間《上海弄堂菜肉餛飩》，以上海家庭小菜為主打。翻查資料得悉，原來這已是餐廳嘅第四間分店，實力可見一斑。推門內進，地方雖然唔算好大，但勝在裝潢骨子企理，牆身掛著不少懷舊照，流露出點點舊上海風情。
打開餐簿，散點的項目，選擇非常豐富，包括有阿娘餛飩、小食/點心類、阿啦菜(冷盤)、肉類/雞鴨、河鮮類、蔬菜/豆腐、湯羹、煨麵/湯麵、炒麵/拌麵、年糕類、飲料及甜品，茗茶方面就每位 $3。至於套餐，就分別有 1 人、2 人及 3-4 人各兩款可供選擇，而且定價亦算合理，可謂豐儉由人。
由於只得兩口子，所以決定只點一個 1 人套餐 ($98) 再加幾款小食和點心。1 人套餐小食共有四款選擇，揀了菜肉餛飩。屈成元寶狀的餛飩，隻隻看起來都大小均等，而且蔬菜和豬肉的比例恰當，咬落既有鮮蔬的清甜，亦有肉碎的質感，配上簡單的蔥花豉油湯底，更能發揮餛飩的真正鮮味！
主菜選了上海炒粗麵，其實平日比較少吃上海粗炒，因為怕太油膩，不過原來這裡的炒粗麵，做得都唔錯。麵條煮得剛好，面層均勻地掛著醬油，入口不太軟亦不太硬，麵質有嚼勁，再配上椰菜、白菜、肥瘦適中的肉片，鹹中有鮮蔬香，雖然簡簡單單，但已美味非常，很有家常菜的溫馨感覺。
接下來是輪到品嘗小食和點心，先上桌的上海春卷 ($25)，賣相不俗，炸至色澤金黃，咬下非常香脆。細看材料，除了春卷皮便只有冬菇、大量黃芽白及少許肉絲，比起慣常吃到的港式炸春卷，餡料多數是豬肉、韭黃、冬菇和芽菜等，較為健康。
香煎鮮肉餃 ($35)，餃子即叫即煎，端上桌時仍熱燙燙。挾起咬開，外皮雖然是略厚，但內藏的剁碎半肥瘦豬、洋蔥和薑米，調味適中，入口鮮香熱辣，而且細嘗下還有不少肉汁，加分！
壓軸的脆皮素鵝 ($58)，非常大碟，素鵝以腐皮包著大量木耳絲、甘筍絲和菇絲等素材料，並用油炸香。一嘗，口感厚實，表皮充滿豆香，味道很不賴，唯一就是稍嫌有點油膩，否則食味更佳。下次路過的話，會再來試試其他菜式。
张贴
