陳鵬鵬潮汕菜館

营业中

休息中

在將軍澳吃潮州菜, 餐廳門口擺放著潮式早市攤檔, 有海鮮攤檔和滷水攤檔, 襯以红色膠殼燈, 頗具特色。環境闊落, 感覺休閒舒適。南澳蠔仔烙 最喜歡嘅潮州小吃, 蠔仔烙煎得香脆, 軟糯煙韌有彈性, 入口香脆又有蛋香, 蠔仔鮮香肥美, 口感豐富, 令人回味。肥美下莊 鵝片肉質嫰滑, 鮮味肥美, 肉汁豐富。滷水好入味, 鹹度適中, 嫩滑豆腐吸收咗滷汁, 口感滑溜。金不換豆醬文昌雞原煲上桌熱辣辣, 文昌雞肉質鮮嫩, 好有質感, 結實而充滿肉香, 加上金不換豆醬嘅香味, 鹹香順滑, 蒜頭、薑片和香葉等提升雞肉鮮味和層次感。金不换炒茄子茄子鮮嫩清甜, 軟糯幼滑, 沾滿金不換香氣和豆醬鹹香, 口感清新。小喫拼盤 有炸魚蛋、蝦餅和魚卷幾款小食, 香脆可口。