譽宴 (已結業)

前幾日媽咪唔想煮飯, 我地就去左附近間新酒樓食小菜, 不過爸爸果日唔係度得我地3個人, 就唔係叫左太多野食 (不過都有3餸1湯 XD, 食完超飽的!)首先來的是個湯, 媽咪同我都好喜歡, 佢加左D杏汁, 整個感覺好滋潤! D湯渣都燉得好林好入味, 我地一滴不漏地飲晒同食晒!之後是我們這一家的最愛: 鮑汁花菇扣鵝掌! 是最愛當然有原因, 就是我們都好喜歡啜腳址! XD 任何可以 “lun” 的我地都好喜歡, 好似魚骨, 豬骨等等, 家族遺傳應該係咁解, haha! 個鵝掌炆得好林好入味, 一碟4隻都唔夠我地搶呢!由於我的小弟是牛魔王, 每一餐都冇牛不歡, 所以又怎少得佢呢: 牛肉好有鮮味, 而且唔韌, 咬開亦好有肉汁, 加上有少少芥辣味, 味道好好, 一食就停唔到口!最後又點少得菜? 我地叫了這道農家四合菜，呢個菜樣樣都有d, o岩晒我媽口味! 其實幾喜歡佢呢個配合, 好多時菜得一款, 感覺好悶, 我覺得呢款有4樣, 感覺好唔錯! 起碼有多D選擇, 食都食得開心D!