佳芳廚房 (已搬遷) 新店位置

門口姐姐好落力招客，見價錢都係五十幾所以就入去試下。裏面幾乎檯檯都係食蒸鯇魚，老闆娘話平時一早就無曬，今晚得翻3份，所以就叫左份豉汁蒸。份鯇魚份量正常，好足豆豉蔥花，好啱撈飯。蒸得非常滑，無泥味無腥味，水準之上。跟餐個湯好特別，味道唔係一般例湯；老闆娘話係用老雞老鴨煲五指毛桃，好有屋企阿媽煲湯feel。呢間野好多都係自家製，檯面個麻辣醬係老闆娘自己炒，又唔太辣，但食到麻香，老闆娘話點餃子仲正。見到餐牌有5-6款餃子，又有生料打包，牆上寫住好多款燉湯，可惜一個人食唔到d咩。呢個價錢都係深水埗公價，下次再試埋其他！