add@Prince (裝修中)

今日家姐生日，早一天上open rice睇下有邊間自助餐好食，見到呢間食評唔錯，online open rice 訂位仲有7折，就決定去試試，酒店送了一個藍梅芝士蛋糕比我家姐，家姐感到驚喜又開心，這已達到預期的期望了👏🏻酒店餐廳環境唔錯，座位舒適，服務員態度非常好，今時今日服務態度真係好緊要。講返食物先，凍盤有龍蝦仔，青口，蝦🦐，螺（有沙），長腳蟹，麵包蟹，壽司🍣，魚生，全部夠新鮮，熱盤今日主題是泰國風味，冬陰公湯夠辣夠酸，好好味，泰式凍盤全部足料夠味，冇馬虎，最估唔到係竟然有田雞粥，我就夾了兩大條田雞腳加皮旦，師傅煲好就送到我張枱，粥底夠棉，但田雞腳可能經過處理，肉質似食豬肉，肉質唔滑，但我都滿意的😁。