家傳滬曉 (已結業)

朕同一眾王親，去呢間家傳滬曉食上海菜，先叫小食幾碟－糖心熏蛋，無熏味。香醋海蜇頭，唔夠香醋，味比較淡口。蒜泥白肉改版，蒜泥黑豚肉加了青瓜，但係蒜泥不足同埋肉質偏硬。片皮鴨，片到肉仲多過鴨，刀功不足，同志仍需努力。生煎包，個㡳煎香，包入面肉汁尚有，唔會乾身。雜菓糖醋魚，炸到外皮香脆，入面啲肉仲好嫩滑，加埋過糖醋汁，甜酸適中，不俗。䓤爆牛肉，䓤味夠濃，但牛肉較韌口，年紀大啲都真係咬唔到。甜品－ 高力豆沙，即叫即炸，新鮮熱辣，加埋糖粉一齊食，全晚這個是最好的。－－－－－完－－－－－