我地叫左幾道小菜 一人一碗飯（5碗）
個人覺得樓下酒樓都幾抵食 依到賣單都係500蚊左右
計番都係100蚊一個人左右 又飽肚
比起出面酒樓有d菜有特色 味道都幾唔錯架
招牌炭燒三層肉 4＊
皮脆肉嫩 比出面某幾間酒樓做得出色！
乾隆鮑魚雞煲 3＊
雞肉有少少老 肉同骨都癡得幾實 有待改善
鮑魚都炆得唔夠軟
金磚脆皮豆腐 3＊
個人覺得好有特色 口感外脆內軟
平時都比較少機會有得食
原本都想俾4分佢
果一分差在係個味道唔能夠滲入到豆腐入面
搞到入面同出面個味造成好大對比
帶子海皇雜菜煲 3＊
正常發揮 不過不失
鮮沙薑川味豬手 5＊
依到菜最滿意 起初以為都係冇咩特別
點知豬手汁帶有少少酸味
酸中帶少少甜 甜中又會帶少少辣 辣中又會帶少少沙薑味同麻味
非常特別 肉質方面非常爽口 必食推介！
本身晚餐會送一人一碗糖水（紫米露／紅豆沙）
但d staff居然同我講俾人倒晒。。。所以冇得食
又冇補償 真係有d唔開心！
