稻香超級漁港 (已搬遷) 新店位置

家人生日，只喜歡食中餐，有人提議來這裏，無所謂下就來了。我們叫了一個四人餐，另加一些其它食物。食物包括有：蜜味燒腩叉、金湯龍皇勾仔翅、意大利焗豬仔柳、乾坤法國多寶魚、半隻水晶穗香雞、生蝦泡小籠包、玉盤艷素、綠島什菌煲、海生蝦和法國紅酒壹枝。蜜味燒腩叉- 比較上偏瘦，但味道幾好。金湯龍皇勾仔翅- 翅？乜有咩！好杰，味道麻麻。意大利焗豬仔柳- 焗得唔會太韌，味道都算幾好啦。乾坤法國多寶魚- 魚質幾好味，煮得又唔算太過火，唔錯。半隻水晶穗香雞- 沒有雞味，雞肉又韌。生蝦泡小籠包- 皮厚肉普通，套餐包的，唔好要求太高。玉盤艷素- 玉盤主要係竹笙，味道主要來自個汁，味道都算幾好。綠島什菌煲- 菌味道幾好，但比較偏油。海生蝦- 蝦肉新鮮，味道當然幾好。法國紅酒壹枝- 送的紅酒，會有幾好，不說也吧！味道只算一般，但價錢幾平，地點又幾方便，一家人平平的選擇，都算幾好。