影片
更多
2008-05-25
12 浏览
一行五人去食星期六晚宵夜，九點十一到達，門口企滿哂人，入到去亦全場爆滿。如果唔想同人迫的話，最好揀WEEKDAY去，仲平少少添。我心諗：「咁噓陷睇怕都唔慌難食喇掛？」埋位先掃半打生蠔先，有肥有瘦，冇腥味、有鮮甜、冇海水味再加送些少海砂同蠔殼，合格啦。開場時段Ｄ客人搶住夾，我好辛苦至搶到半打，後來Ｄ客人發現原來ＲＥＦＩＬＬ好快，根本唔洗心急，情況至穩定落黎。想去試下的食家可以考慮食其它野先。要按檯號俾牌仔逐次依照配額制度供應一碟五粒嘅所謂燒和牛，一放入口，唔好呃我啦，明明係普通牛柳粒咁嘅口感同埋味道，邊部份似和牛呀？雖然我只係食左一粒就冇再食，但係同場所見，幾乎檯檯都不斷俾牌仔order完再order，乜真係咁好食咩？跟住試一試三文魚刺身先，普通啦。台灣進口下價鯨龍魚刺身，硬而冇味果隻，都唔明Ｄ酒店Buffet點解咁鍾意擺佢出黎襯托。再黎凍龍蝦仔，殼大肉少，個人覺得無乜味道，同行的姑姐就話：「都唔係丫，幾甜丫，有Ｄ似去意大利餐廳食果Ｄ海鮮意粉中嘅龍蝦肉味囉！」然後每款凍肉試一片，冇一款掂。望到有凍蝦，不過小弟皮膚對佢有Ｄ敏感，唔敢試。細佬摧毀左半打之後話我知，冇乜味。之後出左凍翡翠螺，我
我心諗：「咁噓陷睇怕都唔慌難食喇掛？」
埋位先掃半打生蠔先，有肥有瘦，冇腥味、有鮮甜、冇海水味再加送些少海砂同蠔殼，合格啦。開場時段Ｄ客人搶住夾，我好辛苦至搶到半打，後來Ｄ客人發現原來ＲＥＦＩＬＬ好快，根本唔洗心急，情況至穩定落黎。想去試下的食家可以考慮食其它野先。
要按檯號俾牌仔逐次依照配額制度供應一碟五粒嘅所謂燒和牛，一放入口，唔好呃我啦，明明係普通牛柳粒咁嘅口感同埋味道，邊部份似和牛呀？雖然我只係食左一粒就冇再食，但係同場所見，幾乎檯檯都不斷俾牌仔order完再order，乜真係咁好食咩？
跟住試一試三文魚刺身先，普通啦。台灣進口下價鯨龍魚刺身，硬而冇味果隻，都唔明Ｄ酒店Buffet點解咁鍾意擺佢出黎襯托。再黎凍龍蝦仔，殼大肉少，個人覺得無乜味道，同行的姑姐就話：「都唔係丫，幾甜丫，有Ｄ似去意大利餐廳食果Ｄ海鮮意粉中嘅龍蝦肉味囉！」然後每款凍肉試一片，冇一款掂。望到有凍蝦，不過小弟皮膚對佢有Ｄ敏感，唔敢試。細佬摧毀左半打之後話我知，冇乜味。之後出左凍翡翠螺，我個人不太喜好貌似蝸牛嘅物體，冇食佢。順帶提一提各位食家，放龍蝦仔的位置係順序龍蝦仔、凍翡翠螺同凍蝦咁三樣輪住出嘅。
試左幾款熱葷，除左咖喱羊肉靠得住之外，煎秋刀魚都幾好，炆三文魚就真係唔掂喇。仲有早餐自助餐都有供應嘅雞肉腸，食左一條之後都係覺得燒嘢食果Ｄ廚師腸好食Ｄ。天婦羅食左魚同軟殼蟹，食完贈佢地八個大字：「粉厚油多硬而不脆。」整番碗冬蔭功先，嘩乜真係得Ｄ湯，冇料咁陰功呀？落隻蝦仔熬下都好丫！之後見到有西多士、一碟冇咩人吼嘅燴牛尾，我都冇食到。
見到有即熬粥、有炒麵、炒飯、咖哩雞、馬沙拉魚、印度飯等，冇拎到，胃部容量有限，轉個彎就見到麵包櫃Ｄ麵包好似冇人吼喎，於是我另類一下，兩款麵包細細個，每款一個試下先！一入口，嘩！光蘇餅都好食過佢，兩款都係硬而冇味，居然連麵粉味都冇，我同屋企人講笑話：「五餅二魚故事入面果Ｄ餅，大概就係咁嘅造型同味道喇！」
掃多幾隻生蠔之後我就轉攻甜品，由於款式都幾多，雲石芝士、黑森林、栗子等蛋糕都有，仲有Ｄ芒果千層蛋糕、朱古力慕絲等，我食過的都影左相，仲加埋「笑喊OK」樣，當係俾大家參考下啦！整體cake類以酒店水準定位黎講呢，係唔掂檔嘅，我只能夠指出幾種叫做食得下嘅俾大家認下個look咁啦！
提提大家，椰汁芒果黑糯米，Ｄ黑糯米真係唔適合冇牙嘅老人家食嫁！因乜解究呢？又硬又實，點食呀？
雪糕櫃大大隻英文字印住「哈勤大使」，有四種口味選擇：荔枝、紅豆、綠茶、香芋。其實睇下呢四隻味就知果四桶雪糕絕對冇可能係「哈勤大使」啦！「哈勤大使」邊有呢四隻味呀？好！我唔信我自己，我用我純熟嘅刮雪糕手法挖左一球荔枝一球紅豆埋位試下，唔係難食，不過絕對唔係「哈勤大使」雪糕囉！Buffet時限中尾段，真係有好多人就係因為雪糕櫃正面印住「哈勤大使」，幾大都唔執輸咁排隊整番幾球。我心諗：「可能只係個雪糕櫃係由『哈勤大使』贊助呢，你地何必咁認真又咁踴躍呢？」
朱古力噴泉我個人覺得係俾情侶浪漫同埋俾小朋友高興嘅玩意，所以我冇食。有Ｄ生果綿花糖同埋泡芙咁啦。
最後有兩部自製窩夫機，一開始我就見好多人排隊自製，見慣世面嘅我又點會咁猴禽一開場就排甜品隊又咁唔正常呢？黎到最後二十分鐘根本就冇人同我爭，慢條斯理地加Ｄ忌廉餡，整左一件埋位嘆，再斟番杯熱檸茶解解滯。咬左啖，喂，個粉漿真係調校得好好喎，咬落好香口好好味，呢個窩夫真係甜品之中最掂檔喎！好啦！幫佢影張大頭相先！
张贴
