旺角海鮮菜館

营业中

休息中

旺角海鮮菜館，宵夜套餐有龍蝦食！龍蝦餐$398，二人食絕對夠飽！龍蝦可以上湯焗、芝士焗或者白胡椒粉絲煲，我見白胡椒粉絲煲比較少見，就揀左呢個，果然有驚喜，粉絲煲非常入味！精華全在粉絲內，好香又帶微辣。白灼韭菜花及魷魚，韭菜花好嫩好甜，魷魚算鮮味，如果用鮮魷會更好。油鹽水浸蜆，蜆肉夠大隻，亦算鮮甜。沙田雞粥，二人食，每人一大碗，非常飽肚，雞肉都算滑，粥底份量夠晒多。另外加點：椒絲腐乳唐生菜（$78），腐乳味比椒絲味重，怕辣者都可以食。