影片
更多
2010-06-29
10 浏览
4月5日, 清明節兼103週月快樂~ 由於今日呀比要工作… 完工之時已經入夜啦… 所以我地就決定去Spice Market食個靚宵夜黎做慶祝! 佢地個Supper Buffet供應時間係10至12點, 就算book咗位都要喺酒店o個邊再拎飛等入坐, 我地9點9左右去到, 都已經好多人等緊喇…::: 冷盤 沙律 ::: 最受歡迎嘅一定係生蠔!!! 勁多人拎~ 好在佢都refill得好快! 至於品質方面, 都唔錯! 雖然無乜海水味但都幾鮮同埋唔腥. 其他海鮮仲有龍蝦仔、青口、凍蝦等. 刺身方面除三文魚外仲有一、兩款, 都算新鮮厚切. 壽司就有熟蝦、瀨尿蝦、鯛魚、腐皮、加洲卷等. 都麻麻地吸引… 仲有冷麵, 呢個夠冷反而唔錯.沙律選擇一般, 有d東南亞款式… 仲有d薯仔沙律、茄子沙律、意粉沙律同cold cut. 最基本嘅沙律菜都新鮮乾淨. 亦有幾種沙律醬比你揀.::: 熱盤 ::: 有湯同麵包, 都幾多選擇~ 印度咖哩類, 實在有太多唔同嘅種類! 又咖哩羊、咖哩雞、咖哩魚、咖哩雜菜~ 仲有d脆餅咁. d咖哩都幾濃香草味~不過由於太辣, 最後辣味係蓋過一切… 而當中以咖哩羊最好味, 煙煙韌韌
::: 冷盤 沙律 :::
最受歡迎嘅一定係生蠔!!! 勁多人拎~ 好在佢都refill得好快! 至於品質方面, 都唔錯! 雖然無乜海水味但都幾鮮同埋唔腥. 其他海鮮仲有龍蝦仔、青口、凍蝦等.
刺身方面除三文魚外仲有一、兩款, 都算新鮮厚切. 壽司就有熟蝦、瀨尿蝦、鯛魚、腐皮、加洲卷等. 都麻麻地吸引… 仲有冷麵, 呢個夠冷反而唔錯.
沙律選擇一般, 有d東南亞款式… 仲有d薯仔沙律、茄子沙律、意粉沙律同cold cut. 最基本嘅沙律菜都新鮮乾淨. 亦有幾種沙律醬比你揀.
::: 熱盤 :::
有湯同麵包, 都幾多選擇~
印度咖哩類, 實在有太多唔同嘅種類! 又咖哩羊、咖哩雞、咖哩魚、咖哩雜菜~ 仲有d脆餅咁. d咖哩都幾濃香草味~不過由於太辣, 最後辣味係蓋過一切… 而當中以咖哩羊最好味, 煙煙韌韌幾好o趙.
天婦羅吉列炸物類, 有炸蝦、炸魚、炸雜菜等等. 都ok油… 同埋d天婦羅炸醬好怪, 唔似平時食開嘅天婦羅… 勝在d野都仲脆囉~ 不過炸粉厚過d餡… 食1 round已經唔想再食.
有d中式野如點心、蒸魚、炒雜菜、沙拉骨、炆牛腩、燴津白、香葉包雞等… 真係好多不能盡錄. 但無乜邊樣特別好食.
燒肉種類都好多~ 有燒雞翼、燒牛扒、燒肋骨、燒粟米、燒魚、燒魚餅等~ 不過唔知係咪擺得太耐, d野凍凍地. 其實overall d肉個味道係幾好~ 只係唔夠熱.
有d一盤盤飯呀意粉呀咁不過選擇唔多, 味道亦普通~
::: 特式食物 :::
強烈推介!!! 一定要試的鐵板和牛! 係要拎牌仔出去order架~ d牛接近入口即融牛味十分濃郁! 好味到我地不停encore~
生滾粥檔自己夾料再滾滾滾~ 本身個粥底唔錯, 夠綿. D料都ok新鮮~ 所以幾好味~
::: 甜品 :::
甜品種類比我想像中少~ Haagen Dazs有4隻味, 但今晚d味好痴線, 大路如vanilla, chocolate同strawberry都無! 有mango, green tea, coffee仲有隻唔記得咗. 但佢地擺咗個vanilla去mango度囉… 另外仲有d脆脆米等唔同toppings比你加落去雪糕度.
其他甜品仲有tiramisu、chocolate mousse cake、blueberry cheesecake、 pear(?) cheesecake、brownie、cream cake、黑森林蛋糕、cream puff、朱古力噴泉同生果~ 整體味道都係一般, 唔太impressive…
仲要提下個自製格仔餅機~ 自己倒麵糊再夾埋等熟. 成個過程都幾好玩~ 不過好玩還好玩, 味道都係麻麻地…
其實幾年前曾經黎呢度食過buffet, 唔知當時係咪太餓覺得呢度d食物好好味~ 今次可能期望太高所以有d失望… 呢度無錯食物種類有好多, 但其實好多個材料都係同一樣野, 味道亦相約. 彈完食物都讚番下環境啦~ 呢度都幾好坐氣氛都幾好嘅~
张贴
