靚煲皇 (已結業)

HappyFriday同FD睇完戲都成10點幾, 諗住一齊宵完夜先返屋企, 醒起附近呢間靚煲皇收得好夜, 可以邊食邊傾. 睇下餐牌除左邊爐之外, 仲多左好多鍋, 太夜唔想食太濃味, 所以要左沙鍋雲吞雞鍋.雞件都幾多, 唔會太肥, 入口肉質唔鞋夠嫩滑, 夠入味.雲吞粒粒都好大, 皮夠薄, 咬落外面好滑, 餡料蝦好爽口彈牙.湯底啖啖濃郁雞既香味, 但一D都唔油膩, 飲完亦無口乾, 夠滑溜.另外仲有長腳蟹刺身, 刺身清清地宵夜食最好, 隻隻腳都有手指咁粗, 蟹肉可以原條挑出黎食.肉質爽口, 鮮甜無雪藏味. 感覺不錯, 唔似放題貨式.慢慢食都成點鐘, 但呢間鋪仍有半數客人, 所以唔驚比人趕.