影片
更多
2015-04-21
1140 浏览
完左表演當然要食番餐飯慶功啦！朋友飯都未食黎支持我，完左場點可以賣甩佢地。但完場都成十一二點，好在大排檔夜收姐。依我食小菜既經驗，通常都係叫(n-1)個小菜就夠食，姐係人數減一，我地五個人，於是叫左四個小菜。我通常都會叫一個煲一個菜加d唔同既肉。然後一人一個靚仔（白飯），再加幾枝啤酒啤啤佢。本身見佢燕京promo又最平，又未試過想試下佢，點知賣哂。又唔想飲藍妹咁普通，於是試獅威。估佢唔到，第一樣黎既竟然係沙嗲肥牛粉絲煲。大家都眼定定，唔係因為佢賣相，而係仲未有白飯個個唔敢郁手，催完個叔叔先有飯食。個肥牛煲不過不失，但唔算足料。之後到個醬爆豬頸肉...無錯，青bb個碟就係佢。佢唔講我以為錯左單錯左枱，d 醬同豬頸肉少到喊，成堆雜菜，仲要係我唔多鐘意既西芹，真心勁失望。成餐飯我只係夾到一塊豬頸肉。最後個碟剩低一堆青bb既野。個西檸雞係炸雞排黎，賣相幾得。唔係我喝住相機食先，我d朋友一定秒殺左佢。味道都同預期差唔多好。甜酸控制得幾好，炸得夠脆夠熱，好快清哂！最後係我點名一定要食菜，而唔知有咩時菜，懶得問於是叫既馬拉戔炒什菜。炒得黎唔油，有d汁，幾惹味，同埋個幾樣菜口感同味道唔會唔夾。好食既，
完左表演當然要食番餐飯慶功啦！朋友飯都未食黎支持我，完左場點可以賣甩佢地。但完場都成十一二點，好在大排檔夜收姐。
依我食小菜既經驗，通常都係叫(n-1)個小菜就夠食，姐係人數減一，我地五個人，於是叫左四個小菜。我通常都會叫一個煲一個菜加d唔同既肉。然後一人一個靚仔（白飯），再加幾枝啤酒啤啤佢。本身見佢燕京promo又最平，又未試過想試下佢，點知賣哂。又唔想飲藍妹咁普通，於是試獅威。
估佢唔到，第一樣黎既竟然係沙嗲肥牛粉絲煲。大家都眼定定，唔係因為佢賣相，而係仲未有白飯個個唔敢郁手，催完個叔叔先有飯食。個肥牛煲不過不失，但唔算足料。
之後到個醬爆豬頸肉...無錯，青bb個碟就係佢。佢唔講我以為錯左單錯左枱，d 醬同豬頸肉少到喊，成堆雜菜，仲要係我唔多鐘意既西芹，真心勁失望。成餐飯我只係夾到一塊豬頸肉。最後個碟剩低一堆青bb既野。
個西檸雞係炸雞排黎，賣相幾得。唔係我喝住相機食先，我d朋友一定秒殺左佢。味道都同預期差唔多好。甜酸控制得幾好，炸得夠脆夠熱，好快清哂！
最後係我點名一定要食菜，而唔知有咩時菜，懶得問於是叫既馬拉戔炒什菜。炒得黎唔油，有d汁，幾惹味，同埋個幾樣菜口感同味道唔會唔夾。好食既，所以又係清哂。
至於啤酒，本身有兩個話唔飲，叫左兩枝試下。入口好淡，淡到係加蘋果汁會變apple cider ，所以俾左杯個唔太飲得同怕苦既女仔朋友試下。另外個朋友都順理成章要飲番杯。最後一共叫左三枝，$22 枝都ok，但我差d想去買蘋果汁因為淡左d，哈哈。
最後大家吹水吹到一點左右，不醉而歸，因為大家第日仲要番工番學，係開心既。
张贴
