魚米家魚湯米線 (已結業)

係將軍澳，其實搵食難，特別係夜晚。今日收工夜左，9點半幾，大部份餐廳都收10點，咁我拿拿林走入其中一間。見佢有宵夜餐，平平地可以食碗魚米家。人少就一定啦都咁夜，所以唔洗等。價錢方面我嗌左38蚊既宵夜招牌魚腐米線，熱飲係送既，再加9蚊要碟生菜。感覺夜晚可以食到碗湯米線，完全好relax啊。魚湯清甜，米線份量剛剛好唔太多，加幾粒招牌魚腐，唔係街市打邊爐個d無啦感，佢入面魚肉蓉幾香，其實唔錯。生菜就生菜啦，無特別。仲有特別既係佢宵夜8半開始架，岩晒d細食既人。不過以我所知，我黎魚米家就只會食米線姐。其他就唔知啦