花月宮 (已結業)

今晚朋友話要帶我去尖沙咀打邊爐，平時行過呢邊見到個大廈覺得好靚，唔知道原來上面有餐廳，搭電梯上去，餐廳門面勁靚啊！餐廳裝修富有中國特色之餘亦非常有氣派。牆身掛了很多中國風既畫、中式燈、燈籠。自己好似置身係宮廷入面咁坐底之後店員遞上九宮格自助醬油配菜任你配。吾洗自己行出去拎。都幾貼心。QR code落單，由於朋友不想吃辣，如果吾係都好想試下特色四格鍋。最後叫了一個蕃茄濃湯海鮮湯底大大鍋紅卜卜，入面嘅配料有蝦，青口，魷魚仔，蕃茄，薯仔，木耳等，都幾足料！火鍋配料:台山蠔 – 好新鮮好大隻, 蠔身肉質爽脆，粒粒都好飽滿脹卜卜!風花亞月手打丸拼盤 – 擺盤古典豪華，食之前都忍吾住要打卡騙LIKE! 拼盤一次過有齊哂幾款手打丸: 流心芝士墨魚丸、鮮蝦丸，流沙黃金蝦丸，鮑魚丸及干貝丸， 手打丸真係吾同D 特別爽口彈牙! 美國頂級手切封門柳 – 估吾到份量都幾多，而且仲幾厚身! 油脂好靚肉質軟腍、多汁而且牛味極濃!!!由於吾想浪費左個甘靚既湯底，專登叫左份稻庭烏冬，來一碗蕃茄濃湯封門柳烏冬! 完美作結!😋美味指數: 感覺非常良好的一餐，環境靚食物正，朋友果然無介紹錯!