滾得囍宮廷火鍋小炒 (已改名) 查看

天氣終於要開始變涼喇，天氣少少凍就即刻想食打邊爐，為左就朋友住所，我地就揀左係北角呢間評價好高既滾得囍宮廷火鍋。餐廳裝修同佢個名一樣係宮廷風，餐廳入邊有好多宮廷元素，無論係餐桌餐椅，以至枱上既餐牌、濕紙巾都係配合左，顯示餐廳非常用心。我哋叫咗康熙花膠雞湯喎，濃濃既雞湯一滾左，香味撲埋嚟，入面好多養顏既花膠，好適合宜家既天氣。值得推薦嘅係佢手切頂級安格斯牛肉，好靚既雪花紋路，啲牛肉特別香，兩個人食一份太過足夠。