滾得囍宮廷火鍋小炒 (已改名) 查看

打邊爐真係我一年四季都咁鍾意嘅活動，而且喜愛揾唔同風格嘅店子幫襯，今晚就等我試吓宫廷風啦！店子裝修古色古香，無論屏風， 龍椅，枱櫈，餐具，火鍋爐，甚至餐牌(聖旨)都充滿宮廷風，打咭位甚多。康熙花膠雞湯鍋(半隻)$298~首先飲番碗湯先，湯頭雞味香濃鮮甜，好正好好味。雞件份量頗多，雞肉嫩滑鮮甜，花膠大大件，口感爽彈，索滿湯汁好正。海鮮拼盤四人盛$398~有大蜆，廣島蠔，青口，扇貝和草蝦，共5款海鮮，四人份量。青口肉質嫩滑，味道鮮甜，充滿海水鹹鮮味。大蜆鮮甜彈牙，好味。草蝦肉質爽脆鮮甜，好新鲜廣島蠔口感滑溜，肉質飽滿，蠔味濃郁。日本九州佐賀A4和牛$398~ 口感柔軟，肉和油花的味道分佈均衡，入口即溶，好好味呀！滾得囍宮廷丸拼盤(十粒)$138~有芝士牛肉丸， 墨汁墨魚丸，紫甘藍豬肉丸，黑松露蝦丸和珍珠帶子墨魚丸。手打丸口感彈牙，真材實料，各有特色。芝士牛肉丸有流心芝士，除了牛味香濃，芝士味亦很濃郁。黑松露蝦丸口感彈牙，還有濃郁的黑松露味，好正！滾得囍蔬菜拼盤$78~有皇帝菜，娃娃菜，油麥菜和沙律菜，碧綠爽脆，十分新鮮。