新蒸武門 (已結業)

平時都係去駱駝漆大廈食午餐, 晚餐原來都別有洞天, 午市平凡的新蒸武門, 夜晚原來係超班的私房菜,座位寛敞, 中式裝潢, 菜單好豐富,而且係好特色的菜色, 侍應服務非常週到,笑面迎人,先為我一家四人送上八寶茶, 介紹內有初菊, 菊花,生楂, 係清肥膩的。 先上前菜有三款, 上海弄堂素脆鱔、有機芋絲拌台式酸介辣醬、川味麻辣木耳, 素脆鱔原來係粗條冬菇切條, 外面灑了芝麻, 都好似脆鱔, 不過係腍身, 三味都係冷盤; 芋絲拌台式酸介辣醬, 酸味好重, 爽口又開胃; 川味麻辣木耳, 帶麻辣木耳卜卜脆爽口 ; 第一道主菜, 賣相一流, 有「冰鎮雪影鮑魚配獅城梅香元蹄」, 外圍有四隻冰鎮鮮鮑魚, 配上元蹄, 中間係長崎小南瓜; 我望住隻鮮鮑魚已被吸引住, 一咬下, 肉質好彈牙, 好鮮甜; 下面為元蹄, 如多些豬皮爽口邊就更好, 而中間的小南瓜係熱盤, 內面的材料有南瓜肉 , 好清甜, 還有三色椒同雲耳, 熱食好味, 之後上兩盅滋寶燉湯, 有「龍宫養生燉湯」及「金銀菜雙陳孖寶燉鴨腎湯」, 材料豐富, 龍宫養生燉湯,好濃郁的足料清甜湯味, 而金銀菜雙陳孖寶燉鴨腎湯, 因菜乾係咸的, 所以感覺為下火靚