影片
更多
2023-02-16
1382 浏览
Bookmark 咗裕民坊 YM² 呢間打卡西餐廳「INN - I'm Not Nothing」好耐，今日終於同朋友夾到時間，過嚟食個午餐。餐廳裝潢以白色為主調，場內放置了不少花卉、植物和雕塑，氣氛浪漫，配上天花嘅水晶吊燈，華麗奪目，令人有猶如置身於歐洲宮廷般。另外 Café 設有有蓋戶外座位，食客可以帶寵物到露台用餐，共度美好時光。點咗兩個 Set Lunch，套餐配有是日餐湯及 $28 或以下餐飲，如果想轉其他飲品，亦可享半價優惠。今日嘅餐湯喺忌廉蘑菇湯，湯身超香濃，滑度十足，入口有細細嘅蘑菇碎粒，菌香不俗。全日早餐 ($128) 用料好豐富，有牛油果、豬肉腸、脆煙肉、忌廉炒蛋、炒野菌、焗蕃茄、蒜蓉牛油多士同沙律。牛油果熟度剛好、煙肉煎到脆卜卜，香口得嚟又唔油膩。豬肉腸很彈牙，腸身香脆可口。炒蛋夠滑，食落仲有蛋汁流出，配上多士，非常飽肚，食完好有滿足感。另外呢客燒菠蘿和牛芝士竹炭漢堡 ($128) 亦睇頭十足，以竹炭包夾住大大塊和牛漢堡扒，再配上燒菠蘿、半溶芝士、蕃茄和生菜等餡料。漢堡扒咬落甘香 Juicy，牛肉鮮味突出；燒菠蘿甜美多汁，解膩一流，再配上清爽生菜同食，非常清新。
Bookmark 咗裕民坊 YM² 呢間打卡西餐廳「INN - I'm Not Nothing」好耐，今日終於同朋友夾到時間，過嚟食個午餐。
餐廳裝潢以白色為主調，場內放置了不少花卉、植物和雕塑，氣氛浪漫，配上天花嘅水晶吊燈，華麗奪目，令人有猶如置身於歐洲宮廷般。
另外 Café 設有有蓋戶外座位，食客可以帶寵物到露台用餐，共度美好時光。
點咗兩個 Set Lunch，套餐配有是日餐湯及 $28 或以下餐飲，如果想轉其他飲品，亦可享半價優惠。
今日嘅餐湯喺忌廉蘑菇湯，湯身超香濃，滑度十足，入口有細細嘅蘑菇碎粒，菌香不俗。
全日早餐 ($128) 用料好豐富，有牛油果、豬肉腸、脆煙肉、忌廉炒蛋、炒野菌、焗蕃茄、蒜蓉牛油多士同沙律。
牛油果熟度剛好、煙肉煎到脆卜卜，香口得嚟又唔油膩。豬肉腸很彈牙，腸身香脆可口。炒蛋夠滑，食落仲有蛋汁流出，配上多士，非常飽肚，食完好有滿足感。
另外呢客燒菠蘿和牛芝士竹炭漢堡 ($128) 亦睇頭十足，以竹炭包夾住大大塊和牛漢堡扒，再配上燒菠蘿、半溶芝士、蕃茄和生菜等餡料。
漢堡扒咬落甘香 Juicy，牛肉鮮味突出；燒菠蘿甜美多汁，解膩一流，再配上清爽生菜同食，非常清新。伴吃嘅薯條亦唔馬虎，外脆內軟，薯香味濃，十分可口。
飲品點咗 Passionfruit, mint soda ($23) 同 Mixedberry smoothie ($24)，兩杯賣相都好靚，啱曬打卡。熱情果薄荷梳打口感好 fresh，酸甜得宜。
士多啤梨藍莓奶昔用料十足，一啲都唔 hea，入口仲食到粒粒果肉，配埋面頭嘅忌廉，香滑甜美。
张贴
