滾得囍宮廷火鍋小炒 (已改名) 查看

想睇驗下古式古香既火鍋，黎滾得囍就岩喇。滾得囍淨係全間店都裝修得有好濃厚既中國味道，相當有特式。主打既順治特式卜卜蜆鍋。個煲超靚啊，真係睇見都覺得好食。依個鍋係招牌菜，超多蜆係入面，而且每隻都好肥美好新鮮😱😱😱入面既湯係可以飲既，好鮮味，微微辣好暖胃。強烈推介。食哂d蜆先再加清湯打邊爐。黃金炸魚皮響鈴雙拼絕絕絕對係必食！用鹹蛋黃去做新鮮既魚皮同響鈴，本身鬆化脆口再加上每一啖都係滿滿既鹹蛋黃，好邪惡但係又停唔到口🤤🤤🤤另外仲有大量火鍋食材可以選擇，手切頂級安格斯牛肉，花雕雕件，日本廣島蠔，黑松露墨魚滑，手打丸拼盤同唔同既蔬菜。其中安格斯牛肉質素真係幾高，牛肉味好濃，肉質好嫩滑。墨魚滑都值得試，好彈牙，加上黑松露既香氣好match。飲品我地仲點左一渣竹蓆茅根，用黎下一下火就fit哂🤣天氣開始轉涼，食番個暖胃火鍋真係成個人都舒服哂。