影片
更多
2021-07-25
41 浏览
行開銅鑼灣，見落雨又有啲凍，於是同朋友上網搵左間打邊爐既店鋪。今次我地簡左胡爐，呢間餐廳裝修別緻，有啲宮廷感覺，又似私房菜。店員推介我地食金翅花膠乳鴿湯底，我地都覺得幾吸引，於是決定試一試！呢個湯底好滋補養生，材料都十足。未食其他野都已經一飽口福，因為湯底有金翅、花膠、瑤柱、大大隻鮑魚、海參同由乳鴿換成既雞🐔。我地4個人實在太肚餓，所以叫左好多野食🤣。一開始，我地叫左紫菜響鈴，用佢先吸收一下湯底。紫菜響鈴真係非常邪惡，淥一下唔會太淋，但又可以吸收哂湯底精華。我地見隔離枱肥牛好靚，所以都決定叫同款既手切安格斯肥牛，因為太多野想食，所以叫左細碟，但份量都唔少。上枱既時候，肥牛真係好靚，好似有花紋咁🤤。另外我地都叫左好多款手打丸黎食，口味實在太多，而且非常吸引。為左醫飽肚，我地足足叫左五款。餐廳完全無令我地失望，手打丸真係超級彈牙到。我地叫左皇帝柱貝墨魚丸🐙、黑松露芝士手打牛丸、黑松露墨魚丸、黃金墨魚丸🍳同蟹子蝦丸🦀🦐。我比較推介黑松露芝士手打牛丸、黃金墨魚丸同蟹子蝦丸。因為黑松露同芝士再夾埋牛丸，比較濃味，岩哂我呢啲重口味人士。而黃金墨魚丸就好濃郁，無諗過鹹蛋黃同墨魚丸好夾。而蟹子蝦丸除左
今次我地簡左胡爐，呢間餐廳裝修別緻，有啲宮廷感覺，又似私房菜。
店員推介我地食金翅花膠乳鴿湯底，我地都覺得幾吸引，於是決定試一試！呢個湯底好滋補養生，材料都十足。未食其他野都已經一飽口福，因為湯底有金翅、花膠、瑤柱、大大隻鮑魚、海參同由乳鴿換成既雞🐔。
我地4個人實在太肚餓，所以叫左好多野食🤣。
一開始，我地叫左紫菜響鈴，用佢先吸收一下湯底。紫菜響鈴真係非常邪惡，淥一下唔會太淋，但又可以吸收哂湯底精華。
我地見隔離枱肥牛好靚，所以都決定叫同款既手切安格斯肥牛，因為太多野想食，所以叫左細碟，但份量都唔少。上枱既時候，肥牛真係好靚，好似有花紋咁🤤。
另外我地都叫左好多款手打丸黎食，口味實在太多，而且非常吸引。為左醫飽肚，我地足足叫左五款。
餐廳完全無令我地失望，手打丸真係超級彈牙到。我地叫左皇帝柱貝墨魚丸🐙、黑松露芝士手打牛丸、黑松露墨魚丸、黃金墨魚丸🍳同蟹子蝦丸🦀🦐。
我比較推介黑松露芝士手打牛丸、黃金墨魚丸同蟹子蝦丸。因為黑松露同芝士再夾埋牛丸，比較濃味，岩哂我呢啲重口味人士。而黃金墨魚丸就好濃郁，無諗過鹹蛋黃同墨魚丸好夾。而蟹子蝦丸除左彈牙，蟹子都好脆，食落去每下都卜卜聲。
朋友想食鴨血同脆肉鯇🐟，所以我地各叫一份。餐廳全部食材都非常大份，啲魚一啲都唔腥，仲要唔會好多骨，爽口彈牙，超級新鮮。而鴨血都好新鮮，唔會一夾就散。
蔬菜方面，我地叫左拼盤，即係唐生菜配娃娃菜🥬。兩款菜都新鮮鮮甜，淥完都唔會變黑。另外仲叫左厚切萵筍片同秋葵，全部都大碟，唔會有渣。
我地飲品就叫左竹蔗茅根🎋，飲落唔會太甜或者太淡，又可以中和一下打邊爐既熱氣。
张贴
