Bingle Bingle 空中列車烤肉

营业中

休息中

今日收工比較夜，咁啱響荔枝角嗰頭有間AEON，叫咗老公去幫手買餸返屋企，點知就俾老公發現咗呢間烤肉餐廳，見到閑日夜晚都座無虛席，咁多人食應該味道唔差反正又未諗去邊度食晚餐，佢就提議順便響到食完先買餸，有燒肉食我梗係舉腳贊成啦~ 我黎到佢已經叫好哂啲肉，無諗到佢叫到咁豪華，A5, A4和牛同韓牛都有叫，見到已經流晒口水出奇嘅係A4和牛居然好食過A5，可能因為腩位脂肪始終比較多，所以啲肉嘅油香充滿成個口腔，好幸福嘅感覺呀大家嚟到呢間餐廳，A4和牛三角腩絕對係必叫之選，唔好錯過! $300鬆啲就有三百克和牛同韓牛，唔可以叫好平，但呢個味道絕對值回票價韓牛同A5牛當然都好食，但就冇呢種肉咁令人驚艷~ 至於豬肉同雞肉我哋都有叫，其中有一種叫雞爽肉，老公都唔知係咩嚟所以叫嚟試吓，個質感都幾特別，雞如其名真係爽爽地咁~ 我老公話幾好食但我自己都係鍾意食雞髀肉多啲，不過都值得一試~ 總括嚟講呢間餐廳絕對會encore，期待下次再去食和牛