影片
更多
2022-05-03
649 浏览
个園竹語下午茶🥟🥢中式既精緻，系可以去到好精💅🏻呢度用餐環境好優雅，用餐包廂裏面既感覺，就彷如坐上古老火車，穿梭於時空之中。復古玻璃燈罩中透出淡淡燈光，昏暗卻足夠，好有氣氛。食物質素都唔錯！四前菜（涼碟）- 涼拌萵筍拌素雞 - 正常發揮，不過不失；不過作為開場前菜，清清味蕾倒是不錯。- 蜜汁脆鱔 - 脆且香，系會上癮既涼菜。點一點辣椒油更可吊出鮮味。- 涼拌蟶子 - 鮮與鹹既比例控制得幾好。此道亦相對特別，非常見菜式，個人相當喜歡。- 陳醋海蜇頭 - 常見但滋味。質感味道皆頗好。四點心 - 熱盤好易變凍，尤其相機食先既話... 假如職員無攞走個蓋，Keep住食物既溫度會比較好。呢一點就可能唔夠貼心，可以改進下。煎小籠包，糯米燒賣，迷你蒸素餃，蘿蔔絲酥餅。中上水平，沒有太大點評。主食 - 老闆拌麵 - 蔥油鮑片拌麵味道香口，麵質頗佳，即使後來擺凍左亦無阻風味，正！四甜品- 藍莓拉糕 - 個人對此無特別感覺；藍莓味唔多覺，口感香糯倒是頗佳。- 炸馬蹄條 - 應該趁熱食，甜度控制得唔錯。凍左都無話淋曬。- 抹茶奶凍 - 其實煉奶可以分開上，而且奶凍精緻既造型會更加突出。煉奶稍微影響左抹茶既甘
中式既精緻，系可以去到好精💅🏻呢度用餐環境好優雅，用餐包廂裏面既感覺，就彷如坐上古老火車，穿梭於時空之中。復古玻璃燈罩中透出淡淡燈光，昏暗卻足夠，好有氣氛。食物質素都唔錯！
四前菜（涼碟）
- 涼拌萵筍拌素雞 - 正常發揮，不過不失；不過作為開場前菜，清清味蕾倒是不錯。
- 蜜汁脆鱔 - 脆且香，系會上癮既涼菜。點一點辣椒油更可吊出鮮味。
- 涼拌蟶子 - 鮮與鹹既比例控制得幾好。此道亦相對特別，非常見菜式，個人相當喜歡。
- 陳醋海蜇頭 - 常見但滋味。質感味道皆頗好。
四點心 - 熱盤好易變凍，尤其相機食先既話... 假如職員無攞走個蓋，Keep住食物既溫度會比較好。呢一點就可能唔夠貼心，可以改進下。煎小籠包，糯米燒賣，迷你蒸素餃，蘿蔔絲酥餅。中上水平，沒有太大點評。
主食 - 老闆拌麵 - 蔥油鮑片拌麵
味道香口，麵質頗佳，即使後來擺凍左亦無阻風味，正！
四甜品
- 藍莓拉糕 - 個人對此無特別感覺；藍莓味唔多覺，口感香糯倒是頗佳。
- 炸馬蹄條 - 應該趁熱食，甜度控制得唔錯。凍左都無話淋曬。
- 抹茶奶凍 - 其實煉奶可以分開上，而且奶凍精緻既造型會更加突出。煉奶稍微影響左抹茶既甘度；茶類甜品其實不用多餘修飾，都應該夠味道，更可食出茶香呢個重點。
- 桂花糖蓮藕 - 口感味道唔錯，帶有輕微藥香，頗特別。
飲品（選一款）
人參烏龍荔枝茶Or青蘋果荷薄梳打，我就試左前者；開頭feel到其甘味濃重，仲以為系甘草，原來系人參😌同時荔枝味亦相當突出，甚佳。不過飲到一半冰開始融化，味道就開始變淡。所以，如果套餐只提供兩款飲品以供選擇，可以考慮用冰以本身既茶底代替水，雪凍備用，效果會更好。不過呢個做法過於精細，只供參考啦。
HK$328/2P（+10%服務費 及 茶芥 ~$65)
不過今次既飲食體驗有個NG位；本身打電話訂座話明要佢個Afternoon Tea Set，前一晚亦都有職員既 booking confirmation。但系入座後竟然被 其中一位職員告知無曬，話應該系先前職員漏左備註；而佢既下午茶套餐系要Reserve既。不過後來（應該系）經理同 鋪頭職員一輪溝通過後，又被告知可以為我地提供膳食。箇中原因，就不知道啦。整體服務都幾好既。
张贴
