營足四季

营业中

休息中

之前有睇過人哋介紹過呢間餐廳，主打露營feel，枱櫈都係露營既，中間有架露營車，夠哂特色，大熱天時都可以室內露營。今日同老公黎試吓「露營」chill 吓。墨西哥雜菌雞肉pizza個pizza 餅底好薄好脆，雞肉同野菌分配係pizza 各部份，夠平均，呢個Pizza係小辣，d雞肉食落唔嚡而且惹味。夠多芝士，配料食時唔會跌到周圍都係，非常好。厚切豬扒配薯菜上抬時嘩一聲，豬扒極度厚同大件。扒邊燒得金黃微微焦燶，好吸引。切開望落去好似有d乾，不過食落係2回事，肉質幾鬆好腍，佢個黑椒汁調校得好好，胡椒味好足好香，同件豬扒好夾，好惹味。配菜有煙肉蘆筍卷，蕃茄同埋燒瓜，薯條係幼身薯條，夠香脆。阿華田脆脆芝士奶蓋瀑布蛋糕配tiramisu味雪糕成個外觀好吸引，個蛋糕有塊透明膠環片，一拎開，d 阿華田奶蓋就好似瀑布咁流晒落去下面蛋糕，非常邪惡，唯有之後做返多啲運動。蛋糕好鬆軟綿密，配埋阿華田味嘅芝士奶蓋，好creamy, 同tiramisu雪糕好夾。今晚食得好chill，除咗環境靚之外，整體氣氛好好，d燈光好柔和，加上d枱櫈和露營車，真係幾有露營feel，再慢慢嘆番杯抹茶latte同埋好雙乳的莓莓。