妹記大排檔

要數香港既美食風景，一定唔少得大排檔，不過夏天熱辣辣，要係戶口食又好似會大汗疊細汗咁。而呢間妹記就岩曬啦，可以係室內嘆住冷氣咁食到大排檔既味道，一流。


去得大排檔就梗係叫香口野啦，炸豬手都幾好，好大份，似足德個餐廳個d原隻上，炸得香口而肉質唔乾，點返兩支大啤送酒一流。

1

除左炸豬手，黃金蝦都可以推介。鹹蛋黃炒到好綿，唔會一粒粒散開，均勻咁包住每隻蝦，好香口。

不過煎蠔餅就麻麻地了，炸粉厚，不過蠔都有唔少既。

另外要推介既仲有安格斯牛柳粒，牛肉嫩，薯仔入味，又係送酒之選。

仲有叫左其他野食，都唔錯既，大家自己望下。