Subtle Island

营业中

休息中

土耳其風酒吧Be Humble新開的姊妹店，同樣充滿異國風情，地方更大，而且超多打卡位，誇張到有水池和人造沙灘，好似去了渡假一樣，可以滿足一下想去旅行的慾望。摩洛哥風拼磚牆身好精緻，我地今次坐池邊位可以瘋狂打卡。咖啡店亦設室外位置，可供食水煙，地方好大，空間感十足。可惜我地到訪當日落雨，所以無出去。🍽️黃金軟殼蟹意粉每一條意粉都沾滿鹹蛋黃碎，充滿著鹹香味，但又不膩。好鍾意軟殼蟹香脆得來，仲食到蟹膏蟹肉，唔會炸到乾哂。🍽️香煎北海道帶子紅菜頭汁意大利飯紅菜頭的天然色素令意大利飯染成紫紅色，賣相治愈，不過本身紅菜頭味道不濃烈，感覺比較輕盈。米飯偏軟身，份量好多，裏面加入菇和蘆筍，增添口感，而帶子都好肥美, 煎得金黃。打卡cafe來說，食物質素唔錯，選擇都幾多，除了小食、甜品，仲有包類、主食都有，亦有供應酒精飲品。