烤魚叔叔 (已結業)

今日同3個朋友坐最入嗰張枱，20:00入座，佢話可以烤魚可以食雞煲可以打邊爐可以食串燒。我哋先食咗烤魚同雞煲，首先佢個烤魚係真係好食，入味同香，但係略嫌唔係好酸辣。佢個雞煲骨多過肉，唔夠麻辣、雞唔夠入味，奉勸大家如果想食多啲嘢可以唔使叫。之後我哋打邊爐，佢出邊得勁少嘢選擇，我哋全程食菜多個肉，望住個爐好空虛原本諗住問佢仲有冇多啲嘢選擇，點知全程好少人入嚟，出邊幾乎都冇人。最後佢話會幫我哋上第一轉嘅串燒，之後嗰啲要自己係出邊拎之後自己燒，但係到買單嘅時候都冇上過，我哋有同過佢講，但係次次都係有去無回，最尾買單嘅時候再次反應，佢淨係講咗句唔好意思，下次再嚟幫襯，下次一定補返。 嘢食我覺得係可以接受，但係服務質素就真係唔可以接受。